НАҚШИ ОИЛА ДАР ПЕШГИРИИ БЕМОРИҲОИ МУЗМИН ДАР КӮДАКОН

Пешгирии бемориҳои музмин дар кӯдакон яке аз вазифаҳои афзалиятноки фаъолияти педиатрӣ мебошад. Нақши муҳими ин равандро оила мебозад, ки дар ташаккули одатҳои солим, тарзи ҳаёт ва муносибати кӯдак ба саломатии худ таъсир мерасонад. Бемориҳои музмин, аз қабили фарбеҳӣ, диабети навъи 2, бемориҳои шуш (астмаи бронхиалӣ) ва бемориҳои аллергӣ, аксар вақт бо омилҳое, ки метавонанд дар марҳилаҳои аввалин идора ва ислоҳ карда шаванд, алоқаманданд. Пешгирии муоссири ин бемориҳо танҳо бо иштироки фаъоли оила дар ташкили муҳити солим ва тарбияи дурусти кӯдак имконпазир аст.

Тадқиқотҳо нишон медиҳанд, ки кӯдаконе, ки волидонашон тарзи ҳаёти солимро риоя мекунанд, камтар ба бемориҳои музмин гирифтор мешаванд.

Самтҳои асосии пешгирии бемориҳои музмин дар оила якчанд равия доранд:

1.Ташаккули одатҳои дурусти ғизоӣ. Волидон бояд ғизои мутавозинро, ки миқдори кофии сабзавот, меваҳо, сафедаҳо, карбогидратҳо ва равғанҳои солимро дар бар мегирад, таъмин кунанд. Одатҳои ғизоии нодуруст, аз қабили истеъмоли зуд-зуд фастфуд, шириниҳо ва нӯшокиҳои газдор, метавонанд ба рушди фарбеҳӣ ва бемориҳои вобаста бо он мусоидат кунанд.

2.Фаъолияти ҷисмонӣ ва реҷаи рӯзона. Камҳаракатӣ яке аз омилҳои асосии хатари рушди бемориҳои музмин дар кӯдакон мебошад, аз ҷумла фарбеҳӣ, бемориҳои дилу рагҳо ва диабет. Волидон бояд давомнокии хоби кӯдакро назорат кунанд, вақти сарфшударо дар назди экран (телевизор, планшет, компютер) маҳдуд кунанд ва истироҳати фаъолро ҳавасманд намоянд.

3.Пешгирии стресс ва дастгирии равонӣ. Вазъи равонии кӯдак нақши муҳимро дар рушди бемориҳои музмин мебозад, аз ҷумла астмаи бронхиалӣ ва ихтилоли гастроэнтерологӣ.

4.Пешгирии одатҳои бад. Оила нақши марказиро дар пешгирии одатҳои бад дар кӯдакон, аз ҷумла тамокукашӣ, нӯшидани машрубот ва дигар моддаҳои психоактивӣ мебозад.

Ҳамин тавр, оила дар пешгирии бемориҳои музмин дар кӯдакон нақши калидӣ мебозад, зеро он манбаи асосии ташаккули одатҳои солим ва рафтор мебошад. Волидон метавонанд ба сатҳи фаъолияти ҷисмонӣ, сифати ғизо ва некӯаҳволии равонии кӯдак таъсири назаррас расонанд, бо ин хатари рушди бемориҳои музминро кам кунанд. Кори муштараки оила ва педиатр имкон медиҳад, ки чораҳои профилактикӣ ба таври муассир амалӣ шаванд ва рушди мутаносиби кӯдак таъмин карда шавад.

Бадалова З.А. - дотсенти кафедраи бемориҳои

кӯдаконаи №1 ба номи профессор

Аминов Ҳ.Ҷ.