РИВОЯТИ ШИШАИ ПУР

Рӯзе устод як шиша овард ва дохилашро бо сангҳои калон пур кард. Сипас аз шогирдон пурсид:

— Оё шиша пур аст?

Онҳо гуфтанд:

— Ҳа, пур аст.

  Сипас устод рег гирифта, ба шиша рехт. Реги майда ба байни сангҳо даромад. Боз пурсид:

— Ҳоло чӣ?

Шогирдон гуфтанд:

— Акнун комилан пур шуд.

  Баъд устод об рехт ва шиша боз обро қабул кард.

Устод гуфт:

— Ин шишаи ҳаёти шумост. Агар аввал чизҳои муҳимро (саломатӣ, оила, илм) нагузоред, баъд регу об (хирсу дунёву ҳавову ҳавас) тамоми ҳаётро пур мекунад ва барои муҳимҳо ҷой намемонад.