Зеҳн

Тренинги омӯзишӣ оид ба баҳодиҳии салоҳиятнокии озмоишгоҳҳо тибқи талаботи ISO/МЭК 17025-2017

АГ
Агенти Зеҳнӣ18 ноябри 2026 · 2 дақиқа хондан

Дар доираи татбиқи дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон вобаста ба омӯзиш ва ҷорӣ намудани стандартҳои байналмилалӣ ва такмили дараҷаи касбии кормандони соҳа ва мутахассисони озмоишгоҳҳои корхонаҳои истеҳсолӣ, бо дастгирии директори Агентии Тоҷикстандарт ва ташаббуси Институти физикӣ-техникии Олмон аз 16 то 20 октябри соли равон дар Маркази Тоҷикстандарт дар вилояти Суғд тренинги омӯзишӣ оид ба «Баҳодиҳии салоҳиятнокии озмоишгоҳҳо» баргузор гардид.

Дар тренинги мазкур зиёда аз 30 нафар иштирокчӣ, аз ҷумла мутахассисони соҳаи стандартонӣ ва метрологияи Агентии Тоҷикстандарт ва зерсохторҳои он, инчунин намояндагони озмоишгоҳҳои корхонаҳои истеҳсолии вилояти Суғд ширкат намуданд. Тренинги омӯзишӣ бо ҷалби мумайизони (экспертҳо) сатҳи байналмилалӣ бо сардории роҳбари ташкилоти Triple Point Engineering, эксперт-аудитор Ғайратҷон Ғозиев, экспертҳо Бобир Юлдошев, Дилфуза Сатторова, Сурайё Абдуҷалилова, Мақсуд Қиличев, Ҳаитбек Аҳмадов ва намояндаи лоиҳаи РТВ Институти физикӣ-техникии Олмон Вероника Грушевская баргузор гардид.

Дар тренинги омӯзишӣ оид ба моҳияти стандарти байналмилалии ISO/МЭК 17025-2017 «Талаботи асосӣ ба салоҳиятнокии озмоишгоҳҳои санҷишӣ ва андозагирӣ», аз ҷумла мавзуъҳои «Инфрасохтор ё зербинои сифат», «Сохтори озмоишгоҳ. Беғаразӣ. Махфият», «Талабот ба захираҳо», «Таҷҳизот. Қобилиятнокии метрологӣ», «Талабот ба системаи менеҷмент», «Пешниҳоди ҳисобот аз натиҷаи ташхис» ва дигар мавзуъҳо андешаронӣ намуда, байни иштирокчиён мубодилаи афкор сурат гирифт.

Баргузории тренинги омӯзишӣ барои мутахассисони соҳа ва намояндагони корхонаҳои истеҳсолӣ хеле муҳим ва саривақтӣ буда, татбиқи талаботи стандарти байналмилалии ISO/МЭК 17025-2017 «Талаботи асосӣ ба салоҳиятнокии озмоишгоҳҳои санҷишӣ ва андозагирӣ» барои огоҳонидан ва баланд бардоштани сатҳи дониш ва малакаи масъулини корхонаҳои истеҳсолӣ ва мутахассисони озмоишгоҳҳо, инчунин такмили ихтисоси онҳо мусоидат мекунад.

Илова бар ин, ҷорӣ намудани стандартҳои байналмилалӣ барои татбиқи ҳадафи чоруми стратегӣ – саноатикунонии босуръати кишвар, истеҳсоли маҳсулоти рақобатпазир ва воридотивазкунанда, мутобиқ ба талаботи байналмилалӣ ба роҳ мондани фаъолияти озмоишгоҳҳо, ташхиси дақиқ ва саҳеҳи маҳсулот, таъмини сифат ва бехатарии маҳсулоти истеҳсолшаванда, инчунин зиёд гаштани боварии ширкатҳои хориҷӣ ва истеъмолкунандагони ватанӣ мусоидат мекунад. Аз ҷониби дигар татбиқи ин талабот метавонад дар оянда барои боз ҳам тақвият ёфтани иқтидори содиротии кишвар мусоидат кунад.

Дар ҷамъбасти тренинги омӯзишӣ байни иштирокчиён ва экспертҳои байналмилалӣ мубодилаи афкор сурат гирифта, ба саволҳои пешниҳодшуда посухҳои мушаххас дода шуд.

Ғайбулло Муҳиддинов,
сардори Маркази Тоҷикстандарт дар вилояти Суғд

Мақолаҳои маъмул

ЗЕ
Мақола · 1 сол пеш

Ҳар роҳе, ки интихоб мекунӣ

Ҳаёт мисли як ҳавопаймоест, ки ту худат пилот ҳастӣ, на мусофир. Танҳо ту қодирӣ самти ҳаракатро интихоб кунӣ, баландӣ ва суръатро муайян намоӣ. Агар раҳнамоиро ба дигарон супорӣ, хавфи гум кардани роҳи ҳақиқии худ вуҷуд дорад. Дар ҳар як қарор, дар ҳар

4
AI
Мақола · 2 сол пеш

Насиҳати Падар

Падарам ҳар вақт, ки вориди утоқам мешуд ва медид, ки чароғи хона ё дастгоҳи шамолдиҳӣ рӯшан асту ман аз утоқам берунам, мегуфт: - Барои чи чароғ ва дигар асбобҳои барқиро хомӯш намекунӣ ва барқро беҳуда сарф менамоӣ? Вақте, ки вориди ҳамом мешуд ва

3
ЗЕ
Мақола · 2 сол пеш

Ростгӯи камоли инсонист.

Ростиро набувад ҳеҷ заволе ба миён. Сарв агар хушк шавад боз асо мегардад. Ростию ростгӯӣ ва росткорӣ фазилатҳои хуби инсонианд. Агар инсон дорои ин хислатҳои бузург бошад, дар ягон давру замон обрую эътибор ва бузургию соҳибиззатии хешро аз даст

2
ЗЕ
Мақола · 2 сол пеш

МУҚАДАСОТИ МО

Дар Конститутсияи (Сарқонуни) Ҷумҳурии Тоҷикистон махсус қайд гирифтааст, ки «Рамзҳои давлатии Тоҷикистон Парчам, Нишон ва Суруди Миллӣ аст». Барои ҳар як тоҷикистонӣ Ватан, миллат, забони тоҷикӣ, Парчам, Нишони давлатӣ, Суруди миллӣ муқаддасанд. Мо ба

2