Шиҳобпораҳо
Шиҳобпораҳо маҳсули бархӯрди байниҳамдигарии астероидҳо буда, пораҳои ниҳоят хурди онҳо мебошанд, ки ба сатҳи Замин меафтанд. Шиҳобпораҳо дар умум ба ду гурӯҳ: ёфтшуда ва афтида ҷудо шуда, вобаста ба таркибашон оҳанӣ, сангӣ ва оҳанию сангӣ мешаванд. Аз шиҳобпораҳои ёфтшуда, аксарашон оҳанӣ буда, шиҳобпораҳое, ки ба сатҳи Замин афтидаанд, бештар сангӣ ҳастанд. Шиҳобпораҳои сангӣ аз лиҳози таркиб ба ҷинсҳои заминӣ хеле монанд буда, фақат мутахассисон онҳоро фарқ карда метавонанд. Аммо шиҳобпораи оҳаниро бо сабаби он ки занг намезананд, аз оҳани заминӣ ба осонӣ фарқ мекунанд.
0
Ҷавобҳо (0)
Ҳанӯз шарҳе нест.




