ПОЯШРО БАСТА МОНДАЕМ

— Чаро Хадичахон ба мактаб намерафтагӣ шуда монд? — пурсиданд аз кампири кӯҳнапараст набераи хурдсоли ӯро нишон дода.
— Магар хабар надоред? Мо фотиҳа карда, пои ӯро баста мондаем.

МАЪРУЗАИ ПОРСОЛА

Дар вақти маҷлис аз стенограмманавис пурсидаанд:
— Аз барои чӣ маърӯзаи раисро наменависед?
— Навиштан чӣ ҳоҷат? Матни маърӯзаи солҳои гузашта кардаашон ҳаст-ку?

ҲАМИН ТАВР ҲАМ МЕШАВАД

Як раиси ноӯҳдабарои такасалтангро бардор-бардор карда мебурданд. Касе бо ҳайрат савол дод:
— Ин раис се колхозро расво кард, акнун ӯро ба куҷо мебаред?
— Ба колхози чорӯм.

ҒУСОЛАИ ШУДАНИ АЗ ПОЧЕКАШ МАЪЛУМ

— Ҳой дугона, кӯдакатон ин қадар аррос мезанад. Калон шавад чӣ мешуда бошад? — пурсиданд аз модаре дар автобус.
Вай ба кондуктори аррос зада истода ишора намуда гуфт:
— Эҳтимол, кондуктор шавад.