ЛАКЛАК ВА МАСТ

Масти аласте дар таги дарахте ғелида мехобид, ва маҷоли аз ҷой хестан надошт. Лаклаке, ки дар шохи дарахт якпоя меистод, бо тамасхур гуфт:
— Аҷабо, ман дар болои дарахт якпоя меистаму ин мардак дар замин дупоя истода наметавонад?

ҲАР КИВУ ҲАР ЧӢ

— Барои чӣ бе янга ба кино омадед? — пурсиданд аз марде, ки ҳамеша танҳо ба тамошо меомад.
— Мо вазифаро тақсим кардаем: янгаатон кори хонаро мекунаду ман ба тамошо меравам ва ба хона омада мазмуни киноро ҳикоя карда медиҳам.

ҶОИ ТАНБАЛ ДАР КУҶО?

— Дар пахтазори мо ягонто ҳам танбал нест,— гуфт мағрурона сардори бригада ба намояндаи ноҳия.
— Дуруст мегӯед,— ҷавоб дод намоянда.— Онҳо дар саҳро не, дар кӯчаву бозор ва чойхонаҳо кайф карда гаштаанд!

КАФЛЕС БА ДАСТИ БИБИКАЛОН

— Палаватон чанд табақча мешавад? — пурсид мудири ошхона аз ошпаз.
— Кафлес ба дасти бибикалон: чӣ қадар, ки хоҳед, ҳамон қадар мекунем, мудирҷон.