— Бо ин мудири нави ферма ситораамон рост намеомадагӣ барин.
— Барои чӣ? — пурсид шарикаш.
— Аз шунидам, аз гӯшт парҳез будааст.

«СЕСОЛӢ ХОНАД?»

Падари як бачаи кундзеҳни олуфта ба занаш муроҷиат карда гуфт:
— Чӣ бало? Улфатҷони мо доимо дар як синф дусолӣ мехонад?
— Хайр, — гуфт бо оҳанги эътироз модараш, — набошад дар як синф сесолӣ хонад?

«КӮЧАҲО КАҶ БОШАД, ЧӢ КОР КУНАМ?»

— Пои писаратон каҷ шудааст, — гуфтанд ба шахсе, ки писараш булҳавас буда, ба роҳи бадахлокӣ қадам монда буд.
— Кӯчаҳои шаҳр каҷу чилеб бошад чӣ кор кунам? — ҷавоб дод он шахс.

«БАРОИ ЧӢ ГАРДАНАТ КАҶ?»

Аз уштур пурсидаанд:
— Ҳой уштур, барои чӣ гарданат каҷ?
— Куҷои ман рост буд, ки гарданам рост шавад? — ҷавоб дод уштур.

СИРРИ НАМОЗХОНӢ

Як мудири магазин сертоату ибодат шуда монд. Ин ҳолатро дида духтараш аз модари худ пурсид:
— Модарҷон, барои чӣ падарам ин вақтҳо намозхон шуда мондаанд?
— Чим... магазинашонро тафтиш карда, камомади калон ёфтаанд.