Покии ахлоқу узву покнаҷоӣ,
Бо нияти неку мақорими эҳсон.

Раванди дигари таълимоти шоир ин футувват, саховатмандию адолатпарастӣ буда, ӯ ин хислати некро инсонигарӣ номидааст:

Гар бар сари нафси худ амирӣ, мардӣ,
Бар кӯру кар-ар нуқта нагирӣ мардӣ.
Мардӣ набувад фитодаро пой задан,
Гар дасти фитодае бигирӣ мардӣ.

---

Чун теғ ба даст оқӣ, мардум натавон кӯшт,
Наздики Худованд бадӣ нест фаромӯш.

---

Андар балои бузург падид ояд,
Фазли бузургу мардию солорӣ.

---

Ҳотами Тоӣ туй андар саҳо,
Рустами Дастон туй андар набард.
Не, ки Ҳотам нест бо ҷуди ту рост,
Не, ки Рустам нест дар ҷанги ту мард.

---

Боз ба ҳангоми доду адл ба халқ,
Нест ба гетӣ чун ӯ набилу мусулмон.
Бастаи гетӣ аз ӯ биёбад роҳат,
Хастаи гетӣ аз ӯ биёбад дармон.

---

Буд аз неъмат он чӣ нӯшиданд
В- он чӣ доданду он чиро хӯрданд.
Аз ҳазорон ҳазор неъмату ноз,
На ба охир яке кафан бурданд.

---

Некбахт он касе, ки доду бихӯрд,
Шӯрбахт он ки ӯ нахӯрду надод.