нафарӣ техник-метеорологи калон ва 4 нафарӣ техник-метеорологҳои баставӣ.

Вазифаи асосии сохтор - ин таъмин намудани бехатарии парвозҳо ва пешниҳод намудани маълумоти авиатсионии метеорологии саривақтӣ, сифатнок ва мунтазам ба истифодабарандагон маҳсуб меёбад.

Яке аз вазифаҳои аввалиндараҷаи роҳбарияти КВД «Тоҷикаэронавигатсия» ҷорӣ намудани воситаҳои автоматикунонӣ ва технологияҳои нави таъмини метеорологӣ мебошад. Иҷрои ин вазифа сатҳи самараноку эътимоднокии маълумоти метеорологиро баланд мебардорад ва имкон медиҳад, ки воҳидҳои ҲҲҲ, хавонавардони воситаҳои нақлиёти ҳавоӣ, инчунин дигар истифодабарандагонро бо маълумоти дақиқи метеорологӣ таъмин намоянд.

Барои гузаронидани мушоҳидаҳои воқеии метеорологӣ, фурудгоҳҳои Душанбе, Хуҷанд, Кӯлоб ва Бохтар бо системаҳои метеорологии комплексии радиотехникии аэродромии муосир муҷаҳҳаз шудаанд, ки ба тамоми талаботу меъёрҳои байналмилалӣ ҷавобгӯ буда, имкон медиҳанд, ки барои таъмини бехатарии парвозҳо ҳангоми парвоз ва фуруд омадани ҳавопаймоҳо маълумотҳои дақиқ ва боэътимоди ченакҳои воқеии обу ҳаво пешниҳод гардад.