Вобаста аз ин ду хусусият барои менеҷмент донистан як қатор нишондиҳандаҳои демографӣ зарур мебошад:

миқдори зану ва мардҳо;

давомнокии умри марду зан;

умри миёнаи одамон;

афзоиши аҳолӣ умуман ва дар минтақаҳо;

даромади оила;

дараҷаи шуғли аҳолӣ;

дараҷаи маълумотнокии аҳолӣ;

даромад аз рӯи сину сол ва ҷинсият;

таркиб ва сифати хӯроки аҳолӣ ва либоспӯшии он;

дину оин, урфу одат ва тарзи зиндагии мардум.

6. Таъсири технологӣ. Соҳибкорӣ бояд, ки баробари прогресси технологӣ қадам гузорад, дар ҳама давраҳои истеҳсолот — истеҳсол, коркард, ҷиҳоз, хизматрасонӣ, ҳаракати мол то истеъмолкунанда ва ғайра. Чунки навоварии технологӣ барои менеҷменти корхона омили хеле муҳим мебошад. Яъне навоварии техникӣ инкишофи усулҳои нави техникӣ, равандҳо истеҳсоли молҳо ва технологияи илмӣ мебошад, ки менеҷменти корхона бояд аз он бохабар бошад. Омилҳои беруна, ки ба фаъолияти корхона таъсири бевосита мерасонад.

7. Рақобати корхона. Омӯзиши фаъолияти корхона — фирмаи рақиб хеле муҳим ва мураккаб мебошад. Нишондиҳандаҳои зарурие, ки бояд менеҷменти корхона оиди корхонаи рақиб донад, инҳо мебошад:

ҳиссаи рақиб дар бозор;

ҳаҷми умумии истеҳсолии рақиб;

самаранокии фурӯши мол;

нархи мол ва бартарии сифати моли ӯ;

тарзу усули реклама;

тарзу усули технологияи истеҳсолӣ ва технологияи менеҷмент;

таваккал ва ҳосилнокии меҳнат;

сифати маҳсулот;

коркард ва барориши моли нав;

дараҷаи квалификатсияи ҳайати коргарон.