---

Баски дорад санг рашк аз сабри мо,
Ҷойи гул рӯяд ба рӯйи қабри мо.

---

Гоҳ-гоҳе ба нигоҳе бинавозед дилам,
Бо фироқи рухи худ хира масозед дилам.

---

Асли асли асламро ман худам намедонам,
Ман киям, куҷоиям? Аз куҷо ту медонӣ?

---

Дар дилам чизе намегунҷад ба ғайри ёди Дӯст,
Қисмате дорад чунин ҳар бандаи озоди Дӯст.

---

Пушти бохтанҳоят бурдҳои ширинест,
Ёд гир, ҷони ман, бохтанҳоро ҳам.

---

Ало, шаҳири шаҳри Ишқ, ёрро дарёб,
Муқими шаҳри Ёр, шаҳрёрро дарёб!

---

Ба ҳазору як саломам нагирифтаӣ алайке,
Зи ту чун кунам умеде ба навиштаҳом “лайк”е!

---

Кӯча ҳарчанд тиҳӣ нест зи хору хасу санг,
Тифли ёдам, чи кунам, обилапо мегузарад.

---

Охир аз ин дори фано мегузарему меравем,
Раста аз ин доми бало мегузарему меравем.

---

Шарманда то ба рӯзи қиёмат масӯз, шамъ,
Худро ба офтоб баробар чӣ мекунӣ?

---

Ирсол менамоямат бо лаҳҷаи дарӣ,
“Лайк”-е ба ин қасидаву пайке ба ин парӣ.

---

Бо як ангушт бияфканда харидори туро,
Омадам, то шиканам равнақи бозори туро!

---

Сиришта ончунон Худои бас раҳим чашматро,
Ки Меҳр баргузида баҳри худ ҳарим чашматро.

---

Рӯбарӯ биншину бар чашмам даме наззора кун,
Орзӯ дорӣ агар сайри гули бодомро.

---

Акси соқӣ ҷилвае мекард агар дар ҷоми мо,
Субҳ мешуд сурхрӯ аз шарм пеши шоми мо.

---

Бо ту ҳам мушкилу ҳам бе ту басо мушкилтар,
Тан ҷудо мушкилу дил аз ту ҷудо мушкилтар.

---

Дар шеърат ар тапидани дил нест, ҷамъ кун!
Ширин даҳон ба гуфтани ҳалво намешавад.

---

Моҳи мунир бефурӯғ, шамсу тулӯъи ӯ дурӯғ,
Бе рухи офтоби ту шом саҳар намешавад.