---

Ба он чашму ба он себи занахдону даҳан бингар,
Агар чашмат намебинад, биё, бо чашми ман бингар!

---

Диламро бурду ман мондам, аз ин мондан намондан беҳ,
Дили ман мурду ман мондам, аз ин мондан намондан беҳ.

---

Нафасро рост мекардам, гулӯгир омадам шеъре,
Хурӯшон мисли шери кандазанҷир омадам шеъре.

---

Иззат аз болонишинӣ кай биёбад хору хас?
141 “Сагмагас”ро акс хонӣ, боз гардад “сагмагас”!

---

То шамси орзӯ накунад дар дилам тулӯъ,
Хуршед кай кунад ба дару манзилам тулӯъ?

---

Омодаи нашр мекунам ман,
Худро чу китоби тоза ҳар субҳ.

---

Халқ бар нақшеву ранге ошиқанд,
Ошиқи Ишқ аст Ҷаъфар, зинда бод!

---

Ин субҳ бар насим диламро кушодаам,
Дунёи ғуссаро ҳама бар бод додаам.

141 Дар алифбои форсии тоҷикӣ агар калимаи “сагмагас”-ро баръакс хонем, боз “сагмагас” мешавад.