---

Ё зулфи Суханро ба қалам шона занам,
Ё бар сари зулфи ӯ қаламро шиканам.

---

Осмон шишаи рӯъёст зи минои дилам,
Ин ҷаҳон нақши таҷаллост зи дунёи дилам.

---

Ҳамчу ман дар хони дил густурда дастархони Ишқ,
Ҳар касе аз хуни дил нӯшид, шуд султони Ишқ!

---

Хоҳам, ки тамоми умр, эй гул, ба барам бошӣ,
Аз гарди маломатҳо доим сипарам бошӣ.

---

Бар гӯши дили ҳамчу мане девона,
Ҷуз вожаи Ишқ аст ҳама бегона.

---

Ҳар кӣ қадри худ шиносад, қадри моро мешиносад,
Ҳар кӣ нафси худ шиносад, ӯ Худоро мешиносад.

---

Ҷамоли бахт чун хоҳам, ки аз пушти дарам бигзашт,
Зи соқӣ май чӣ сон хоҳам, ки даври соғарам бигзашт.

---

Бахти некат талаб аз Эзади якто дорам,
Ҳар чӣ к-он нағз бувад, бар ту таманно дорам!

---

Як лаҳза агар ёди ту аз сар гирад,
Доси сари чашмат сари Ҷаъфар гирад!

---

Дар хотироти оби равон мавҷ мезанад,
Хуршеди як нигоҳи муҳаббатпаноҳи ту.

---

Қақнусвор з-оташи худ зинда мешавам,
Хокистар аст хосияти зодгоҳи ман.

---

Гирифтаӣ ба чанги шасти хеш моҳивор,
Халида шаст бар гулӯ, суолҳо дорам.

---

Пашшае намеарзад иддиъои пилиат,
Он қадар аёнам ман: чашми мӯр мебинад!

---

Ту аз ин билоди мӯҳлик ба куҷо, куҷо гурезӣ,
Ту киӣ, чӣ кора ҳастӣ, ки чунин ба худ ситезӣ?

---

Хаёлам мешавад парвона бо парвози абрӯят,
Ки мешуд кош чашмонам шабе анбози абрӯят.

---

Босарон бесару бесарон басар,
Бозарон безару безарон базар.

---

Рӯ сӯйи офтоб, дуъо кун ба ҷони ман,
То офтобзор шавад осмони ман.