ние, авансировать, авансироваться, авансовый, авансом.
Дар луғати чаҳорҷилдаи забони русӣ, ки дорои 90 ҳазор модда аст, низ ҳамин қадар “аванс” омада. Дар ин ҷода луғати мо бо ҳаҷми нисбатан ками худ аз он фарҳанги бузурги забони русӣ баъзан мегузаронад. Дар луғати русӣ фақат як моддаи “абориген” бошад, дар луғати тоҷикӣ — “абориген”, “аборигенный”, луғати русӣ агар бо як моддаи “авизо” иктифо кунад, дар тоҷикӣ “авиз”, “авизо” ва ғайра. Моддаҳои “маркировальный, маркирование, маркировать, маркироваться, маркировка, маркировочный, маркировщик” низ ҳамин қабил аз ҳисоби мисолҳои беҳоҷат тӯл додани луғат, бесарфа истифода кардани ҳаҷми таъиншуда аст.
Як нуқсони дигаре, ки боиси ба луғат надаромадани бисёр калимаҳои пуристеъмол шудааст, аксаран қоидаи ҳаволаро инобат накардани мураттибон аст. Масалан, моддаҳои зиедеро аз қабили “ошвартовать” ва “зашвартовать”-ро мебоист такрор ба такрор тавзеҳ надода, ба моддаи “швартовать” ҳавола мекарданд. Дар ивази ин гуна такрорҳо ба луғат хеле калимоти пуристеъмол ва заруриро дохил кардан мумкин буд.
Барои қиёсан фаҳмидани калимоти зарурии аз луғат берун афтода як саҳифаи онро дар муқоиса бо луғатҳои дигар санҷидем ва маълум шуд, ки дар як саҳифа калимаҳои зарурии зер афтодаанд: сайда, сайдак, сайка, сайра, сак, саква, саковояж, саккомпанировать, сакля, сакральный, саксы, салага, салажонок, салака, саламат, салачный, салинг, салицилка, салки, солотоп, салтык, салвадорский, салвадорцы.
Калимаҳои кӯҳна ва камистеъмол дар ин қатор нестанд ва ин ҳама луғоти фаъоли забони русианд, ки чи дар нутқи шифоҳии мардуми имрӯз ва чи дар китобу рӯзномаҳо фаровон дучор мешаванд. Агар аз як саҳифаи луғати нави мо ин миқдор калимоти зарурӣ афтода