Ман дар оғӯши меҳру навозишҳои бибиҷони суханпардозам калон мешудам. Ӯ одатан нознокунон бадоҳатан байтҳое ба гӯшам овеза мекард, ки ҷонам осоиш меёфт:

Ҳа дурсӣ-дурсӣ-дурсӣ,
Буро болои курсӣ.

Пушти хонамо бозор шуд,
Атаку патак арзон шуд.
Ҳандали печона бин,
Тарбузи гелона бин.

Ҳа дурсӣ-дурсӣ-дурсӣ,
Буро болои курсӣ.

Додо, бозорба меред?
Рӯмоли катак биёред!
Зандоли қандак биёред!
Ҳалвои пашмак биёред!

Ҳа дурсӣ-дурсӣ-дурсӣ,
Буро болои курсӣ.

Дурӯабахмал биёред,
Аласи ял-ял биёред.
Кафши фаранг биёред,
Тӯви таранг биёред!

Ҳа дурсӣ-дурсӣ-дурсӣ,
Буро болои курсӣ.

Тӯви таранг - урусӣ,
Рангаша се мепурсӣ?
Анори Тошкан бойин!