Ҳамнишине, ки латифу комил аст,
Роҳати рӯҳ асту ороми дил аст.
В-он ки нодониву ғафлат васфи ӯст,
Сӯҳбаташ монандӣ захри қотил аст.

Дар ҷустани айби худ ҷаҳд намоед, ҷуз ба валидони хеш ба каси дигар хушомад назанед. Бо ҳамсоягон, хешон некӯ муносибат намоед. То метавонед кори хайре кунед ё далели хайре бошед.

Аллоҳума инно настаъинука...
Эй Худо, аз ту мехоҳем мадад ва мағфират, аз ту талаб мекунем ва бар ту имон меорем ва бар ту эътимод мекунем, хуб сано ва таърифи туро адо мекунем ва ношукриӣ туро намекунему мегузорем касеро, ки нофармонӣ мекунад туро. Эй Аллоҳ, хос туро ибодат мекунем ва хос барои ту намоз мехонем ва ба сӯи ту мекӯшем ва мешитобем ва умед мекунем раҳмати туро ва метарсем аз азоби ту. Ҳатман азоби ту ба куффор хоҳад расид. (Дуъои Кунут)

РӮ БА РӮШНОЙ

Дар ҳамин гуфтугӯ буданд, ки садои поймоние аз дур ба гӯш расид. Шогирдон дафтар зери бағал чӯҷаҳоворе пароканда шуданд. Шахси расида ҷавони миёнақади фарбеҳ буду дар бар палтои сиёҳ, дар сар фуражка дошт. Ҳазрат медонист, ки яке аз кормандони маҳбасхона аст. Ба андеша рафт, ки агар поида омадааст, ӯро мебараду боз шиканҷа медиҳанд.