Муллоҷон Саъдуллоев.

Шӯрои иқтисодии Осиёи Миёна, солҳои 1931 — 1933 дар курсҳои марксизм-ленинизми назди КМ ВКП(б) таҳсил кардааст. Солҳои 1934 — 1936 дар Академияи плансозӣ таҳсил намудааст. Солҳои 1933 — 1934 комиссари халқии молияи Тоҷикистон шуда, хизмат кард. Солҳои 1936 — 1941 вазифаи ҷонишини сардори шӯъбаи саноати хӯроквории Госплани РСФСР-ро адо намуд.

Охири соли 1941 М. Саъдуллоев ба набарди Ҷанги Бузурги Ватанӣ даъват карда шуд. Ӯ дар вазифаи роҳбари сиёсӣ дар набардҳои Белоруссия хизмат кард, ба ӯ рутбаи майор доданд. М. Саъдуллоев дар рафти ҷанг дар вазифаи ҷонишини сардори табобатхонаи ҳарбии № 1899 дар Белоруссия хизмат менамояд. Соли 1945 аз набард баргашт.

М. Саъдуллоев баъд аз Ҷанги Бузурги Ватанӣ солҳои 1945 — 46 дар вазифаи прокурори шӯъбаи ҷиноятии судии прокуратураи ИҶШС хизмат кард.

Аз соли 1946 то соли 1957 вазифаи раиси Госплани Тоҷикистон, аз соли 1957 то соли 1965 вазифаи ҷонишини раиси Шӯрои хоҷагии халқи Тоҷикистонро ба ӯҳда дошт.

М. Саъдуллоев солҳои 1927 — 1935 аъзои КИМ ва аъзои Бюрори КМ ҲК(б) Тоҷикистон буд ва борҳо аъзои КМ Тоҷикистон интихоб шудааст. Ӯ инчунин аъзои КИМ, аъзои Президиуми КИМ, аъзои ҲК Узбекистон низ интихоб шудааст.

Ҳизби Коммунистӣ ва Давлати Шӯроӣ хизматҳои М. Саъдуллоевро дар назди халқ бо ордени Ленин, чор ордени Байрақи Сурхи Меҳнат, ду ордени Ситораи Сурх ва чандин медалҳои ҷангию меҳнатӣ қадр кард.

Муллоҷон Саъдуллоев соли 1978 дар шаҳри Душанбе аз олам чашм пӯшид ва ӯро дар зодгоҳаш Қаротоғ дафн карданд.

Ҳиссаи М. Саъдуллоев дар барқароршавии Ҳокимияти Шӯроӣ дар Тоҷикистон ва Узбекистон хеле бузург аст. Мардум ӯро шахси ҳақиқатпарвар сифаташ менамоянд. Хонаи шахсии М. Саъдуллоев маъхази таърихиро ба хотир меоварад. Рафҳои китоб, хотираҳои шахсӣ, расму ҳуҷҷатҳои солҳои барқароршавии Ҳокимияти Шӯроӣ дар Тоҷикистон дар он ҷо маҳфузанд.

Дар музеи таърихии ордени Лениндори Вазорати Маданияти РСФСР дар шаҳри Москва зиёда аз 75 номгӯи ҳуҷҷатҳои М. Саъдуллоев маҳфуз аст, ки аз бузургии ӯ, заҳматҳои поквичдонави ӯ дарак медиҳанд.