Ғолибон қадрдонӣ шуданд (мусобиқаи волейбол дар Тоҷикстандарт)
Барои сазовор таҷлил намудани Рӯзи кормандони Агентии Тоҷикстандарт, ки тибқи Қонуни Ҷумҳурии Тоҷикистон «Дар бораи рӯзҳои ид» ҳамасола 25 май таҷлил карда мешавад, мусобиқаҳои гуногуни варзишӣ аз қабили футбол, волейбол ва дигар намуди машғулиятҳои варзишӣ гузаронида мешаванд.
Вобаста ба ин, имсол низ дар арафаи таҷлили Рӯзи соҳавии кормандон миёни кормандони раёсату шуъбаҳои Агентӣ мусобиқаи волейбол доир карда шуд, ки онро сармутахассиси Нозироти савдо Давлатов Ғайратшо доварӣ ва роҳбарӣ намуд.
Ҷойи якум насиби кормандони Маркази ташхисии молу маҳсулоти саноатӣ ва кишоварзии Агентии Тоҷикстандарт гардид.
Ҷойи дуюм бошад, насиби кормандони Раёсати таъминоти метрологии Агентии Тоҷикстандарт шуд.
Ҷойи сеюм дар ин мусобиқаи варзишӣ насиби кормандони Раёсати корҳо ва ҳуқуқ ва Нозироти пахта ва пиллаи Агентии Тоҷикстандарт, ки дар якҷоягӣ бозӣ мекарданд, гардид.
Ғолибон дар рӯзи таҷлили иди касбӣ бо ифтихорномаҳо ва мукофотҳо сарфароз гардонида шуданд.
Хотирнишон бояд сохт, ки бо ташаббуси роҳбарияти Агентии Тоҷикстандарт ва Иттифоқи касабаи Агентӣ ҳамасола барои таҷлили ҷашнҳои миллӣ ва соҳавӣ мусобиқаҳои гуногуни варзишӣ роҳандозӣ карда мешаванд.




