Дар боби сеюми китоб нақши академик Б.Ғ. Ғафуров дар ташаккули мактаби илми таърихшиносии тоҷик, назари ин олими шинохта ба бархе аз масъалаҳои мубрам ва консептуалии таърихи халқи тоҷик, нақши ў ҳамчун сарвари ҶШС Тоҷикистон дар мактабу маориф мавриди баррасӣ қарор гирифтаанд. Бо истифода аз асарҳои бунёдии академик Б. Ғафуров ва маводи маъхазу бойгониҳо ба бисёр паҳлуҳои фаъолияту таҳқиқоти ин олими шинохта рўшанӣ андохта шудааст.
Умедворем китоби мазкур ба хонандагон, унвонҷўёну донишҷўён ва умуман онҳое, ки ба таърихи пурпечутоби халқи тоҷик таваҷҷўҳ доранд, писанд хоҳад омад. Муаллиф бо арзу сипос андешаву назари хонандагон ва пешниҳоду интиқоди онҳоро қабул хоҳад намуд.