Рафтӣ, бояд якумр ба ту кифоя бошад. Аслан чӣ фоида аз ошнобозии барзиёд?!

• Лекин рост мегӯӣ, — андак ба хаёл меравад Ҳотамбек.

• Ақалан оқибати шаш фарзандатро фикр кун. Ҳоло аксарияти онҳо хурданд, мактабхонанд...

• Бале, — калла меҷунбонад ӯ. — Баракат ёбад, устодашон Исматулло. Чӣ будани забону адабиётро мефаҳмонад бачамард.

• Худо нагирад ҷони ин хел муаллимро! Аз роҳаш нагашт, ки нагашт...

• Арақхӯриашро дар назар дорӣ?

• Агар не, боз чиро?! Ба он лабу даҳан намедонам вай ба хонандаҳо аз чӣ дарс медода бошад... Балки шарму ҳаё чист, — умуман фаромӯш кардааст?

• Биё, мон, — як дам сар мехорад Ҳотамбек. — Нағзаш, аз худат пурсам. Дар муддате ки ҳамдигарро надидаем, чиҳо навиштӣ?

• Ба ин суолат, ҷаноби бемор, аллакай ҷавоб додам, — мегӯяд Нозилҷон.

• Яъне кам-кам менависӣ? Ҳоло дар дег, ҳоло ба кафлес наомадааст?

• Ҳамин тавр. Садқаи аҳли фаҳм шавам...

• Хайр, аз нияту нақшаҳоят гап зан.

• Чӣ гап занам? — ҷиддӣ мепурсад Нозилҷон. — Хирадманде фармудааст, ки Худоро ханондан хоҳӣ, дар пеши Вай минбаъда нақшаҳои худро ба забон биёр.

• Таслим! — мегӯяд Ҳотамбек, пас аз лаҳзае дандон сафед карда.

• Мағзи ин ҳикматро, албатта, дуруст фаҳмидӣ?

• То ҷое пай бурдам, ки мазмун... бача дар