ЭҲТИЁТКОРИ

— Ҳой Ҳайдар, барои чӣ култиватсияи пахтазорро хобонда мондӣ? — пурсид ҷӯраам аз тракторчӣ.

— Саркорамон дар зери кадом як алафзор хобидаанд. Метарсам, ки бо нохост зер карда пачақ накунам.

РӮЙБАРДОР

Муаллифе доимо аз китобу журнал ва рӯзномаҳо рӯйбардор мекард. Як рафиқаш ба ӯ гуфт:

— Чаро аз китобҳо рӯйбардор мекунед?

— Магар ман аз ин нағзтар навишта метавонистам?

ИМРӮЗ ХУДАШ, ФАРДО ЛУҒАТАШ

Як шоир ба идораи радио як коғаз шеъре овард, ки шасту ҳафтод варақ луғат дошт. Раиси радио гуфт:

— Шеъратон як ваҷабу луғаташ ҳафтод ваҷаб ку, онро ба воситаи радио чӣ хел шунавонем?

— Ин масъалаи осон, — ҷавоб дод шоир. — Имрӯз шеърашро шунавонеду ҳафтаи дигар луғаташро.

КӮПРУКИ ЗОРМОНДА

Раиси колхоз бо шахсе мерафт ва чизеро фикр мекард.

— Ҷӯрақул-ака, — гуфт вай ба ҳамсӯҳбаташ, — оё дар хотир доред, дар бораи кадом як масъалаи муҳим якчанд бор қарор қабул карда будем-а?