Ҳамин тариқ, усули пайвандгузаронӣ яке аз роҳҳои қадимаи нигоҳдорӣ ва афзоиш додани навъҳои гуногуни дарахтону буттагиҳо дар таҷрибаи кишоварзон васеъ паҳн гаштааст ва бо ёрии ин усули бобогӣ навъҳои маҳаллӣ нигоҳ дошта мешаванд. Дар ин деҳа инчунин донишманди донишҳои қадима доир ба табобат намудани одамон бо алафҳои табиӣ Андалибов Ғайратшо умр ба сар мебарад, вай ҳама сола даҳҳо растаниҳои табобатиро ҷамъоварӣ намуда, одамонро табобат менамояд.

Дар ноҳияи Рашт мардум аз қадимулайём зироатҳои кишоварзиро парвариш намуда, таҷрибаи қадимаи нигоҳ доштани анъанаву таҷрибаҳои суннатӣ мебошанд. Инчунин вай тавсия доданд, ки бо калонсолон дар чойхонаҳо ва саҳроҳо вохўриҳо гузаронида, оиди донишҳои мардумӣ ва гуногунии биологии ин маҳалҳо сўҳбатҳо ташкил намоед. Роҳбарияти ҳукумати ноҳияи Рашт доир ба гузаронидани чунин тадқиқотҳо оиди анъанаҳои мардумӣ дар байни мардуми ноҳия, гуногунии биологии маҳал хело ҳавасманд буда, омода ҳаст, ки дар ин кор кўмак ва ҳамкорӣ намояд.