Тасаввур карда метавонед! Вақте ки ман дар бораи муноқиша гап мезанам, худамро не, балки ӯро дар назар дорам. Намедонам вазъаш чӣ хел буд. Шояд он гоҳ ӯро ҳузури хоҳараш боз медошт, аммо ҳозир барои озории гумонӣ аз ман қонеият мепурсад? Ҷанобони вакилони даъво, ман пинҳон намедорам, ки маҳз ҳамин фикр аз хаёлам гузашт. Қарор додам, ки руст намешавам, чунки виҷдонам пок буд. Дуруст аст, ки ман бо хоҳари ӯ рустӣ вомехӯрдам, вале ба ин на ман, на вай, балки дигарон гунаҳгор буданд. Чӣ тавре ки ҳозир дӯст медорамаш, ӯро бо тамоми дилу ҷон, бо қалби поку саршори меҳру муҳаббат дӯст медоштам...

Агарчӣ коретаи Луиза Пойндекстер берун аз давраи тамошобинон меистад, духтар ҳар сухани мустангерро мешунавад ва пардаҳо, ки зич пӯшида набуданд, чеҳраи ӯро мебинад. Бо ғуруди дилашро фишурдани ғаму андӯҳ, аз шунидани эътирофи ошкоро чеҳраи духтар мунаввар мегардад. Ин акси садои эҳсоси ӯ мебошад. Рухсори паридарангаш гулгун шуд, аммо ин гулгунӣ аз шарму ҳаё набуда, аз тантанаи пурифтихор мебошад.

Луиза инро пинҳон доштанӣ намешавад. Баръакс, ба ӯ нигариста фикр кардан мумкин буд, ки ҳамин дам ӯ аз корета тохта мебарояд ва худро ба сӯи шахсе, ки барои қатли доллари ӯ маҳкумаш мекунанд, меафканад ва бо нафрат айбдоркунандагони аз ҳама бераҳмро ситезаҷӯёна ба мубориза даъват менамояд.

Осори ҳузну малулӣ аз нав чеҳраи ӯро ғамгин менамояд, аммо рашк боиси ин ғаму андӯҳ намегардад, — Луиза суханони дар сари болини бемор шунидаашро хеле нағз дар хотир дорад. Оё ба онҳо шубҳа кардан мумкин? Мустангер он суханонро акнун, дар ҳолате гуфт, ки шуури вай хира намебошад, дар ҳолате гуфт, ки марг ӯро таҳдид мекунад ва дар дами марг одамон дурӯғ намегӯянд.

Боби XC

ТАНАФФУСИ НОГАҲОНӢ
ДАР МАҶЛИСИ СУД

Суханони охирини мустангер, ки ба Луиза Пойндекстер чунин хурсандӣ бахшида буданд, ба аксарияти шунавандагон тамоман дигар хел таассурот бахшиданд.