ҷанг набуданд. Толонро отряди ҷавонон ташкил карда буданд, ки мебоист онҳоро ба сафи ҷанговарон қабул мекарданд; онҳо мехостанд ин маросимро ид кунанд ва якчанд пӯсти сарро бо мӯяш канда, ягон рама ё худ галаро ронда биёранд.

Ин гуна ҳамлаҳои хурд-хурди сурхпӯстон — дар Техас ҳодисаи басе муқаррарӣ мебошанд. Аксар вақт ин корҳо бе иҷозати пешво ва оқсақоли қабила ташкил карда мешаванд, мисли ин ки офицери ҷавон ҳамроҳи даҳ-дувоздаҳ рафиқаш аз бошишгоҳ рустӣ баромада рафта, дастаи посбонони душманро асир гирифта биёрад. Одатан ин гуна толонҳоро ҷанговарони ҷавон ташкил мекунанд, онҳо ба шикор баромада, дар бозгашт на фақат бо сайд, балки бо дигар ғаниматҳо баргаштанӣ мешаванд; доир ба моҷароҳои онҳо дигар ҷанговарон аксаран вақти зиёде гузаштан пас бохабар мешаванд. Дар акси ҳол, оқсақолон онҳоро бозмедоштанд, ки одатан муқобили ин гуна толонҳои ғоратгарона мебошанд, зеро онҳоро на фақат беақлӣ, балки барои аҳли қабила хатарнок мешумориданд, агарчи дар сурати барор гирифтани кор тайёранд, ки онҳоро таҳсин кунанд.

Ин дафъа команчиҳои ҷавонро эскадрони тирандозони савора дар байни теппаҳои Сан-Саба миёнгир кард. Онҳо ноилоҷ чорвои дуздидаашонро партофтанду ба дара Льяно-Эстакадо гурехта, ҷон ба саломат бурданд.

Дар ин суфакӯҳи бесамар таъқиб намудани ҳиндуҳо хатарноку ба роҳ мондани таъминоти қӯшун кори мушкил буд, ва агарчи хешовандони касони ҳалокгардида талаб менамуданд, ки фавран интиқом гирифта шавад, ба онҳо ҷавоб медоданд, ки ба экспедитсияи ҷазодиҳанда дурустакак тайёрӣ дидан лозим.

Азбаски команчиҳо аз ҳудуди минтақаи бетараф баромада буданд, ба қӯшунҳо фақат ҳамин мемонд, ки ба бошишгоҳҳои худ баргашта, супориши минбаъдаи фармондеҳиро мунтазир шаванд.

Қӯшунҳои қалъаи Инҷ, ки минтақаи сарҳадиро то худи дарёи Нуэсес мудофиа мекарданд, ба бошишгоҳ баргашта, фаҳмида дар тааҷҷуб монданд, ки ба ҳеҷ куҷо нарафта бо ҳиндуҳо рӯ ба рӯ омадан мумкин буд. Офицерони ҷавон, ки ташнаи корнамоӣ буданд — аз ҷумла Генкок, — ва аз маҳсусӣ ҷои нишастан намеёфтанд, чун шуниданд, ки дар он тарафи Леона сурхпӯстонро дидаанд, рӯҳбаланд шуданд.

Вале боз як маҳсусӣ пеш омад: ҳамон рӯз отряде, ки аз одамони ғайриҳарбӣ ташкил дода шуда буд ва команчиҳоро дар
наздикии Аламо додашударо дунболгирӣ мекард, гашта омада