Бидон, ки рӯзи шанбе аввали рӯз нек
бошад, он гоҳ саъд то завол, он гоҳ наҳс
бошад то аср, он гоҳ бад бошад то
хуфтагӣ.

Чархи гардун мавҷ дорад дар раҳи мақсудҳо,
Мерасад рӯзе ба соҳил киштии дарёи ман.

Қадамҳои нахуст ба арсаи сиёсат

Баргузории конфронс дар ҳаёти минбаъдаи ман нақши муҳиме бозид. Баромаду нутқҳои иштирокдорони конфронс бе асар набуд. Баъди он мушоҳида кардам, ки аз атрофи маҳалла партов умуман ба ҷониби кӯдакистон ҳавола нашуд.
Равуои аз пештар бештари волидони тарбиятгирандагон ба назар мерасид. Дар кӯдакистон фазои хуби корӣ ва ҳамдигарфаҳмии кормандон ҳукмрон гардид. Қаблан, ки падару модарон танҳо барои бурдану овардани кӯдаконашон ба боғча меомаданд, ҳамакнун баъди конфронс ва коргузории навин дар кори тарбия муносибати тарафайни ҳасана худ аз худ пайдо шуд. Падарон пайваста омада аз мо хоҳиш мекарданд, ки агар ягон хизмате ҳаст, эшон омодаанд.
Модарон низ ҳамеша дар тарбияи кӯдаконашон маслиҳатҳои хуб гирифта мерафтанд. Чун медонистанд, ки эшон ҳанӯз ба чӣ гунагии тарбияи кӯдакон ниёз доштанд.

Ин муддат рӯзона ба кори кӯдакистон андармон шудаму шабонгоҳ омада то поси шаб сари мошинкаи чопиам барои таҳрирҳои охирини китоби "Нури одамият" нишастам. Бо кӯмаки Худованд таълифу таҳрири куллии дастур анҷом ёфт.

Инак марҳалае фаро расида буд, ки бояд барои китоб
маблағ пайдо мекардам. Чун шунидам, ки раиси тозаинтихоби
вилоят Қосим Қосимов дар интишори бисёре аз кутуби
шоирону нависандагон саҳми бедареғ гузоштааст, тавассути
мактуби махсус ин матлабро матраҳ кардаву дархост
намудам. Ҳамзамон ба ҳузури раиси вилоят шарафёб шуда,