ногувори экологӣ қарор доштанд, барои кишоварзӣ истифода карданд, ки дар натиҷа мавсими боронҳо тамоми қабати болоии заминро шуста, ҳатто ба шаҳри Душанбе, пойтахти Тоҷикистон чунон лою гилу хок ворид сохт, ки зарараш аз ҳазорҳо тонна гандум зиёдтар аст.

Аз тарафи дигар, ин ба ҳолати хатарноки экологӣ дучор гаштани қариб 50% қишлоқҳоҷҳо оварда расонидааст. Бояд гуфт, ки камбизоатӣ ва хатари экологӣ доимо бо якдигар алоқаманданд. Ҳар қадар сатҳи зиндагии мардум паст бошад, ҳамон қадар хатари экологӣ баланд гардида, мардум аз камсаводӣ ва барои таъмин кардани талаботи зиндагонии хеш ба муҳит муносибати беақлонаро раво мебинад. Чунончи солҳои охир бо мақсади таъмини гармӣ дар зимистон ва пухтани хӯрок аҳолии Тоҷикистон аксари дарахтони сабзи кӯҳҳо ва ҳамвориҳоро бурида ҳезум карданд, ки ин боз як хатари калони экологиро ба миён овардааст. Хусусияти дигари ҳолати роҳбарии алоқамандӣ байни инкишофи иқтисодӣ, аҳолӣ ва муҳофизати муҳити атроф дар Тоҷикистон боз дар он аст, ки аҳолӣ бо суръати баланд 3-4% инкишоф ёфта, нисбати солҳои 70-уми асри гузашта 2,5 маротиба зиёд гашта, дар айни замон зиёда аз 7 млн одамро ташкил мекунад, аммо муҳити табиӣ ва сарватҳои табиӣ миқдоран маҳдуданд. Барои таъмини табиии талаботи аҳолӣ бояд нисбат ба имрӯза 2,5-3 маротиба зиёд маҳсулот истеҳсол карда шавад. Барои зиндагонии баланди аҳолӣ бошад, зарур аст, ки 10 маротиба зиёд маҳсулот зиёд истеҳсол намоем, то талаботи инкишофи босуботи иҷтимоӣ ва менеҷментро таъмин карда тавонем.

Аз тарафи дигар, дар назар бояд дошт, ки имконоти экологӣ маҳдуд буда, барои азхудкунии сарватҳои нави табиӣ маблағҳои зиёд зарур аст. Инчунин, бояд ба инобат гирифт, ки сол аз сол ба хароҷотҳои зиёди пулию молӣ нигоҳ накарда, боздеҳи захираҳои табиӣ паст шуда истодаанд ва ин ҳам маблағи иловагии менеҷментро талаб мекунад.

Хонандаи азиз, Шумо аллакай пай бурдед, ки байни инкишофи босуботи менеҷмент ва хиради экологӣ чӣ гуна алоқамандии зичу бевосита вуҷуд доштааст. Ва имрӯз ҳеҷ як роҳбар наметавонад, ки бе ба инобатгирии ин омил самаранок кору фаъолият намояд. Бинобар ин, яке аз вазифаҳои муҳими роҳбарони зинаҳои гуногуни идоракунӣ ташкили чунин тарзи ҳокимият мебошад, ки ҳар як корманд худро ба муҳити тағйирёбандаи экологию иқтисодӣ мувофиқ