иқтисодии бозори мол, рақобат, нарх, талаботу таклифоти мол ва ғайра ба миён меоянд. Қабули қарори дурусти менеҷмент маҳз дар ҳамин ҳолатҳо санъати волои ҳақиқии ӯро нишон медиҳанд.

Аксар олимон таъсири берунаро ба санъати менеҷмент чунин гурӯҳбандӣ
мекунанд. (расми 3.)

Расми 3. Таъсири муҳити беруна ба менеҷмент

Чунин унсурҳои муҳити беруна на танҳо ба менеҷменти корхона, ҳамчунин ба ҳар як фард, оила, ташкилот ва ҷамъияти корӣ муяссар буда метавонад.

Агар аз нигоҳи қонуни эволютсионии Чарлз Дарвин андеша намоем, «Танҳо ҳамон растанӣ ва ҳайвоноте зинда мемонанд, ки худро ба олами тағйирёбанда мутобиқ карда тавонанд».

Бинобар ин, вазифаи менеҷменти корхона низ дар эволютсия - таҳаввулот буда, худро бояд ба шароит мутобиқ созад, то ки самаранок фаъолият намояд.

Дар баробари омилҳои сиёсӣ ва иқтисодӣ имрӯзҳо дар аксари давлатҳои рӯ ба тараққӣ масъалаи макроиқтисодии иҷтимоӣ мақоми хосаеро доро мебошанд.