Равияи асосии менеҷмент дар чунин ҳолат ин ташкили фаъолияти самаранокии кам дошта, барҳам додани сохторҳои ғайрисамараноки истеҳсолӣ, тиҷоратӣ, нав кардани роҳбарият ва менеҷменти корхона мебошад.

Инчунин равияи менеҷментро истифода кардан мумкин аст, мутаносибии соҳаҳои гуногунро нигоҳ медорад.

Ҷараёни менеҷменти стратегӣ вобаста аз вақти иҷроиши он ба чор давраи калон ҷудо карда мешавад:

1. Асосноккунии мақсад.

2. Таҳлили стратегӣ.

3. Коркарди стратегия.

4. Амалигардонии стратегия.

Асосноккунии мақсад. Дар ин давра миссия, мақсад ва муҳокимаи вазифаҳои корхона дар ҳудуди банақшагирии стратегӣ амалӣ мегардад.

Таҳлили стратегӣ. Дар ин давра дурнамои ҳолатҳои бозор, вобаста аз мақсад ва вазифаҳои корхона, масоили тақсимоти захираҳо, сохтори бозор, рақобати он омӯхта мешаванд.

Коркарди стратегия. Дар ин давра якчанд вариантҳои қарори стратегӣ пешниҳод карда мешавад, ҳисобҳо ва имконотҳо, муқоисаи онҳо ба натоиҷи қарор кор карда мешаванд.

Вобаста ба равияҳои умумӣ 3 шакли менеҷменти стратегӣ фарқ карда мешавад:

1. Стратегияи мунтазам.

2. Стратегияи инкишоф.

3. Стратегияи муҳофизат.

4. Стратегияи мунтазами менеҷмент — бо мақсади устувории инкишофи корхона ва муқовиматнокии он дар шароити бӯҳрони иқтисодӣ мебошад. Равандҳои асосии стратегияи мунтазамӣ ин сари вақт баргардонидани қарзҳои корхона, корҳои ташхисии касодшавии корхона, фоидаи доимӣ ва баланди саҳмияҳоро доро будан, инчунин кам кардани таваккали чорабиниҳои корхона мебошад.

5. Стратегияи инкишофи менеҷмент — барои васеъшавии истеҳсолот, зиёд намудани ҳаҷми фурӯши мол, аз худ кардани бозори фурӯши мол мебошад.