Кормандони дастгоҳ ҳуқуқҳои маслиҳатдиҳӣ, назоратӣ ва дигар ӯҳдадориҳо доранд, ки бо истилоҳи умумии «штаб» ёд мешавад. Коргарони штаб вазифаҳои зеринро иҷро мекунанд:

асосӣ (таҳлил, баҳодиҳӣ, банақшагирӣ, молиягузорӣ, назорат, қарори масъалаҳои кормандӣ ва ғайра).

ёрирасон (ҷамъоварӣ ва нигоҳдории ахбор таъминоти техникии идоракунӣ);

хизматрасонии шахсии роҳбар (ёрдамчӣ ё котибаи роҳбар).

Пайдоиши сохтори идоракунии хаттӣ — штабӣ вобаста аз мураккабӣ ва комплекснокии идоракунӣ пайдо гаштанд. Чунин сохтор як қатор камбудиҳои худро дорад, ки ба талабот ҷавобгӯ набуда, ба инкишофи бюрократияи идоракунӣ оварда расонидааст.

Сохтори хаттӣ — функционалии идоракунӣ бо дарназардошти идоракунӣ ташкил карда шудааст. Сохтори мавҷудаи идоракунии хаттӣ — функционалиро аз лиҳози мундариҷа ва вазифаи худ ба 3 гурӯҳи калон ҷудо мешавад:

1. Сохтори марказонидаи функсионалии идоракунӣ.

2. Сохтори матритсавӣ.

3. Сохтори матритсавӣ — штабӣ.