Марказонидан ва ғайримарказонидани идоракунӣ метавонад ба самтӣ ва ба дохил густариш ёбад.

Дараҷаи марказонидани (ғайримарказонидани) идоракунӣ ба ҳолатҳои зерин вобаста аст:

зарурияти тақсимоти захираҳои камёфт ва ҷорӣ намудани сиёсати ягона дар ҳамаи гурӯҳҳои корхона, ки дар ҳолати ғайримарказонида имконият надорад;

вобаста ба хароҷоти масоилҳои идоравӣ, яъне ҳарчанд ки ҳалли масъала маблағи зиёдро талаб намояд, ҳамон андоза ҳалли онро органҳои болоӣ бояд ба ӯҳдаи худ гиранд;

вобаста аз моҳияти масъала, яъне масъала мушкилиҳои калонро ва ҳамоҳангсозии фаъолияти якчанд гурӯҳҳоро дарбар гирад.

дар корхонаҳое, ки маҳз тавассути идоракунии марказонидашуда самаранок мебошанд, ҷорӣ намудани фаъолияти махсус;

тағйирот дар муҳити корхона;

анъанаҳои таърихӣ ва фикру ақидаҳои роҳбарияти олӣ;

тайёр будани кормандон барои фаъолияти мустақил.

Дараҷаи марказонидаи идоракунӣ дар партави амалҳои зайл ба вуҷуд меояд:

ҳиссаи қарорҳое, ки дар табақаи болоӣ қабул карда мешаванд;

дараҷаи қабули қарорҳои муҳим;

ҳиссаи коргарон дар идоракунии ташкилот;

мухторият дар идоракунӣ;

дараҷаи ҷалб кардани коргарон дар қарори идоракунӣ.

Бартарияти идоракунии марказонидашуда амалҳои зайлро дарбар дорад:

осон шудани марказонидани қувва барои тадқиқотҳои илмӣ ва ихтироот;

барҳам додани табақаҳое, ки функцияҳои якдигарро такрор мекунанд ва ё манбаи исрофкорӣ мебошанд;

марказонидани ҷараёни қабули идоракунӣ дар дасти шахсоне, ки ҳолатҳои хубро дарк мекунанд ва донишу таҷрибаи кофӣ доранд;

осон кардани назорат ва ҳамоҳангсозии фаъолият дар доираи корхона;

беҳтар шудани истифодабарии таҷриба ва дониши ҳайати идора.