Аз кӯча гузашт нозанине

Аз кӯча гузашт нозанине,
Пешу бару пушт нозанине!
Гуфтам хӯрамат, чӣ гуна доде
Дашноми дурушт нозанине!
Кардем ҳазор зораи зор,
Як бор нагашт нозанине!
Рафтему зи дастакаш кашидем,
Худро заду кушт нозанине!
Як бӯса задем, зинда гаште,
Моро заду кушт нозанине!
Дорӣ ту хаёл кушт моро
Бо мушти дурушт нозанине?!
Бар синаи мо ду пойи хушрӯ
Хушрӯ заду кушт нозанине!

Хушрӯи Худои нозанинӣ

Хушрӯи Худои нозанинӣ,
О, ҳушрабои нозанинӣ!
Парварда мисоли гул ба хубӣ
Дар обу ҳавои нозанинӣ!
Ҳай мекуние ту рӯсиёӣ,
Ҳо, рӯйсиёи нозанинӣ!
Эй, кушта ҳазор ошиқи зор
Хушрӯ ба чиҳои нозанинӣ!
Бо даст кушанд мардумонро,
Оҳо, ту балои нозанинӣ!
Эй вой, ҳазор бор кушта
Моро ба ду пои нозанинӣ!

Рӯмоли ту моли нозанин аст

Рӯмоли ту моли нозанин аст,
Дар сар чу хаёли нозанин аст.