МЕНЕҶМЕНТИ СТРАТЕГИИ

Интихоби стратегияи рушди ташкилоти на он қадар калон имконияти баҳодиҳии мавқеи ширкат дар бозор, муайян намудани вазифаҳои стратегияи он ва усулҳои алтернативии ҳалли онҳоро дорад. Пеш аз коркарди стратегия аввалан маҷмӯи масъалаҳо ва вазифаҳои ташкилотро ба низом даровардан зарур аст.

Дар баробари ташаккули стратегияи корпоративӣ (умумӣ) коркарди функционалии стратегия ва стратегияи нигоҳдорандаи бизнеси он амалӣ карда мешавад. Стратегияи бомуваффақият дар заминаи ташкил ва истифодаи бартариҳои рақобатнокӣ таҳия мегардад. Масалан, ба онҳо имконияти фурӯши молҳо бо нархҳои паст, фурӯши маҳсулоти сифатан аъло, хизматрасонӣ, мавқеи афзалиятноки ширкат ва зернизомҳои он дохил мешаванд.

Стратегияи ширкат вобаста ба мафҳумҳои қобилияти рақобатнокӣ ва иқтидори ширкат интихоб карда мешавад.

Иқтидори ширкат маҷмӯи имкониятҳои вобаста ба истеҳсоли маҳсулот ва хизматрасонӣ мебошад. Он аз тағйироти дохилӣ ва иқтидори идоракунӣ таркиб ёфтааст. Ташкилот имкониятҳоро (омилҳои истеҳсолот) доро мегардад, ки бо захираҳои худӣ муайян карда мешаванд. Иқтидори ширкат дар шароити иқтисоди бозорӣ аз омилҳои дохилӣ, талабот ба маҳсулот, фаъолияти рақибон, вазъияти иқтисодии давлат ва ҷаҳон вобастагӣ дорад.

Қобилияти рақобатии ширкат имконияти худро бо рақибон муқоиса намудан, иҷрои муборизаи фаъолро дар бозори фурӯш инъикос месозад. Ин мафҳум нисбӣ буда, бо роҳи муқоиса муайян карда мешавад. Иқтидори ширкат, интихоби стратегия ва имкониятҳои роҳбарияти олӣ, дар маҷмӯъ, омилҳои қобилияти рақобатии ширкат мебошанд.

Интихоби афзалиятҳо, ки қувва ва воситаҳои ширкат ба онҳо равона карда мешаванд, давраи муҳим ва пурмасъули татбиқи стратегия мебошад. Афзалиятҳо дар истеҳсолоти нав, тавсеаи бозор, ташкили зернизомҳои нав дида мешаванд.

Стратегияи рушд дар шакли умумӣ ба таври зерин сохта мешавад:
• корпоративӣ. Барои ҳама филиал ва зернизомҳои ширкат якхелаанд;
• стратегияи бизнес. Барои ҳар як самти фаъолият стратегияи алоҳида интихоб карда мешавад;
• функционалӣ. Стратегияҳо ба самти рушди самтҳои алоҳидаи ширкат (ҳайати кормандон, тадқиқоти илмӣ, реклама) равона мешаванд.

Коркарди стратегия аз қадамҳои зерин иборат аст:

1. Таҳияи нақшаи стратегӣ, ки барои комёбшавӣ ба мақсадҳои гузошташуда имконият медиҳад. Дар ин давра дарёфти якчанд роҳҳои алтернативӣ беҳтар аст;