Хоҷа Ҳасани Нисорӣ доир ба пайвандаки «у» (гуфту рафт, давоту қалам), пешоянди «ба», пасоянди «-ро», бандаки изофии «и», бандакҳои феълии –ам, -ӣ, -ем, -ед ва
-анд, бандакҳои хабарии –ам, -ӣ, аст, -ем, -ед ва –анд маълумот додааст.
Дар масъалаи ибора Хоҷа Ҳасани Нисорӣ танҳо доир ба ибораҳои изофӣ маълумот медиҳад ва ин ибораҳоро аз рӯйи маънои вазифаи калимаи муайянкунанда гуруҳбандӣ намудааст. Хоҷа Ҳасани Нисорӣ чанд вазифаи морфемаи «- е»-ро низ бо мисолҳо нишон додааст.
Аз таҳлили маводҳое, ки доир ба забони форсӣ-тоҷикӣ бахшида шудааст, маълум мешавад, ки қайдҳо доир ба забон дар фарҳангномаҳо, китобҳо доир ба фалсафаю мантиқ, асарҳои улуми сегона - аруз, қофия, бадеъ ва инчунин баъзе дастурҳои ҷудогона дода шудааст. Ҳамаи онҳо вобаста ба забоншиносии араб баён гардидаанд.

Супоришот:
1.Мутолиа ва ёддошт доир ба забоншиносии тоҷику форс дар асрҳои миёна; 2. Навиштани реферат дар мавзуи “Афкори забоншиносии тоҷику форс дар асрҳои миёна” Мавзуи 8.