Беҳуда намегӯянд, ки Худованд давлати пирӣ диҳад ва инак, Худованд ба Аламхони азизу дӯсти содиқу вафодори ман давлати пириро бедареғ арзонӣ намудааст.

Дӯсти азизамро ба муносибати 75-солагиаш самимонаву содиқона табрик гуфта, аз забони устод Рӯдакӣ чор мисраи зерро чун дуо сӯфу кӯф карда, тақдим медорам ва ба умеди Худованд, ки дуои маро мустаҷаб гардонад ва инак:

Чаҳор чиз мар озодаро зи ғам биҳарад:
Тани дурусту хӯйи неку номи неку хирад.
Ҳар он ки Эзидаш ин ҳар чаҳор рӯзӣ кард,
Сазад, ки шод зияд ҷовидону ғам нахӯрад.