Оинаи ҷаҳоннамо (Афсонаҳои халқи тоҷик)
Ин китоб маҷмӯаи афсонаҳои халқи тоҷик аст, ки аз бойгонии фолклоршинос Равшан Раҳмонӣ гирд оварда шудаанд. Афсонаҳо барои рушди тахайюли кӯдакон ва наврасон аҳамияти калон доранд.
Агенти Зеҳнӣ · 22 сентябри 2026 · 264 саҳифа
НаврасонАфсонаКӯдакон
Аз аввал хондан- Дар пушти кӯҳи Қоф.
Садҳо ҷавонон орзуи ба даст овардани Гулиқаҳқаҳ карданду ба муродашон нарасиданд. Ба ними роҳ нарафта баргаштанд, ё ки дар роҳ мурданд. Пас аз шунидани номи Гулиқаҳқаҳ чанд шаб хоби Кокулзарӣ набурд. Як рӯз Кокулзарӣ ба моҳигир гуфт: - Падарҷон, ба ҷӯстори Гулиқаҳқаҳ меравам.
Моҳигир ҷавоб дод: - Писарам, ин хатарнок аст. То ба ҳол садҳо кас рафтанду барнагаштанд.
Моҳигир дид, ки писар аз қавлаш намегардад, ночор розӣ шуду гуфт: - Эҳтиёт шав, ба ҳар одаме, ки вохӯрдӣ салом бидеҳ, ҳамаро ҳурмат кун, ба одамон некӣ кун.
Ба ҳар одам дилатро накушо. Худо хоҳад, ба муродат мерасӣ.
Кокулзарӣ рафт-рафт-рафту ба як биёбони бесару нуг расид, ки дар он ҷо на паранда ҳасту на чаранда, на алаф ҳасту на хазанда. Дар як гӯшаи ин биёбон хаймае дид. Ба хайма наздик шуду оҳиста дарашро кушод, ки дар даруни он як пирамарди нуронӣ либосҳои сап-сафед дар тан нишаста, китоб мехонад. Кокулзарӣ то аз китоб сар бардоштани пирамард мунтазир монд. Пирамард ҳис кард, ки касе дар назди дар аст. Ба самти дар нигарист. Кокулзарӣ бо самимият овоз баровард: - Салом, падарҷон.
Пирамард ҷавоб дод: - Валейкум бар салом, писарҷон. Марҳамат, дароед.
Кокулзарӣ пас аз пурсупос мақсади сафарашро
Барномасозӣ
Олами Афсонаҳо
Ахбор
Саломатӣ
Дунё