Аз муи сафеди худ хиҷолат дорам,
Бар ин дили девона маломат дорам.
Даврони ҷавониам, ки беишқ гузашт,
З-ин ишқи ақибмонда шикоят дорам.

---

Ишқе, ки надора қиммате ишқи ман аст,
Як зарра надора ғайрате ишқи ман аст.
Як нилуфаре буду ба мурдоб шукуфт,
З-ин ишқи ақибмонда шикоят дорам.

---

Эй пардаи исматам қави гард қавӣ,
Он рўз мабод чун ғунча барканда шавӣ .
Он рўз ки чу гул зи парда берун оӣ ,
Аз рафъати манзалат афганда шавӣ.

---

Эй бодияи ғам интиҳои ту куҷост?
Эй қалби ба сўз таъсири оҳи ту куҷост?
Эй модари сербача чаро танҳоӣ?
Зорию низор, пушту паноҳи ту куҷост?

---

Ман ошиқи ту наям дилам ошиқи туст,
Аз рўзи азал хоку гилам ошиқи туст.
Пандам диҳӣ, ки ба амри дил гўш мадеҳ,
Ақлу руҳу ҷони бисмилам ошиқи туст.

---

Ҳарчанд, ки ишқи ман надорад суде,
Ин ахгари сўхта надорад дуде.
Аммо дили пургуноҳ ба фармонам нест,
Ҳар лаҳза ба ў меҳри наве афзудӣ.

---