Эй дил ба дида оби худ сар додӣ,
Эй дида зи сирри ман шудӣ мунодӣ.
Эй об шудӣ тўфони Нуҳ дар рўхи ман,
Эй рӯҳ ту ранги сурх ба зардӣ додӣ.

---

Ё раб зи дилам ғамзудоянда туӣ,
Раҳгумзадаам раҳнамоянда туӣ.
Ҳайронаму лол корсозанда туӣ,
Мискинаму зор банданавозанда туӣ.

---

Кош зарду заҳиру заъфаронат бинам ,
Афтодаву хор чун хазонат бинам .
Кош дар раҳи зиндагони дармонда шавӣ,
Он чи ки ба ман кардӣ чунонат бинам .

---

Эй онки туро фалак даст дода кунун,
Аз қалбу зи сар дур намо озу ҷунун.
Неку баду ҳам фақру ғаноим гузарад,
Ботини фалак пур аст аз макру фусун.

---

Андар дили ман ҳазор дарду алам аст,
Аз неши фалак ҳазор захму ситам аст.
Оне ки давои ҳамаи дарди ман аст,
Ин ҳам қалам асту қалам асту қалам аст.

---

Эй дил дигар махур ғами бешу камӣ,
Ҳарчанд сурох-суроху пурдарду ғамӣ.
Аз ин ҳама изтиробу ғам суде нест,
Гар сабру қаноатат бувад ҷоми Ҷамӣ.

---