Аз гардиши зиндагонӣ дилгир шудам,
Дар айни ҷавонӣ оҳ, ки пир шудам.
Ҳар мўи сафед шоҳиди рўзи сияҳ аст,
Аз ҳеҷ ба ҳеҷи умр охир шудам.

---

Дарду аламам қалам медонаду бас,
Ранҷу ситамам қалам медонаду бас.
Борони сиришк зи дидаам меборад,
Ў ҳам ба сари қалам мебораду бас.

---

Урён ба ҷаҳон омада урён биравем,
Ҳайрон ба ҷаҳон омада ҳайрон биравем.
Асрори ҳама бидонад Устоди азал,
Нодон ба ҷаҳон омада нодон биравем.

---

Маро озурдадил кардию рафтӣ,
Маро пуроҳи дил кардию рафтӣ .
Расад оҳи дилам чун тир ба ҷонат,
Дили манро хиҷил кардию рафтӣ.

---

Гули садбарг будам ман ба дастат,
Ки буям менамуд шайдову мастат.
Зи нодони фикандиям ба кўча,
Кунун хоре бишуд орои дастат.

---

Туро дар ҳалқаи ағёр дидам,
Зи ман ғайбат намуди мешунидам.
Агарчанде, ки бе парво гузаштам,
Вале бо худ чу баҳре медамидам.

---