Рубоиёт
Аз кайфари зиндагонӣ мазлум шудам,
Чун санг будам нигар, ки чун мум шудам.
Он юмни ҳумои бахтам аз даст бирафт,
Дар баҳри ғамон фитодаву гум шудам.

---

Дар даҳри дудар касе муқим нест бидон,
Ҷуз ёри Худо касе наъим нест бидон.
Аз қаҳри Худо битарсу худхоҳ машав,
Ҷуз қудрати ў чизе азим нест бидон.

---

Қазоро бин ки бо ман кинатўз аст,
Ба кунҷи узлатам қалбам ба сўз аст.
Надонам то ба кай созам таҳаммул,
Агарчӣ эҳтиёҷи шаб ба рўз аст.

---

Маҳҷубу хафоям дар ин бодия ман,
Ҳайронаму сарсон дар ин зовия ман.
Аҳбоби маро фалак зи ман кард ҷудо,
Ў сокини ҷаннат асту аз ҳовия ман.

---

Ба ҳусну ҷамоли хеш мағрур машав,
Бо нахвату кибри хеш зи Ҳақ дур машав.
Аз гили сиёҳ сириштаанд ҷисми туро,
Аз коми дурўза бо тафохур машав.

---

Машав мафтуни найрангбозии даҳр,
Гаҳе шаҳдат ба ком асту гаҳе заҳр.
Агар сад сол зиҳӣ расмаш ҳамин аст,
Гаҳе созад ба некӣ гаҳ бо қаҳр.

---