Ба гуристон гузар кардӣ назар бар аҳли он бинмо.
Агар сад сол кунем ҷавлон бувад он ҷо макони мо,
Сураё духтари ҷонам ту эй нури ду чашмонам.
Бихон ҳар дам ту ин пандам, ки ман ҷовид
намемонам.
Майи соли 1998
.
Дар орзўи волидайн
Ба духтарам Сураё
Эй тифли зи модару падар зиндаҷудо,
Дар қисмати ту чунин набиштаст Худо.
Бобою бибӣ ба ноз парварда вале,
Бар дил ҳаваси волидайн аст туро.
Эй тифлаки ман дар орзўи падарӣ,
Ошуфтаву дилшикаста бо чашми тарӣ.
Ҳамвора хаёли рўи ўяст туро,
Ў ёди дигар дораду ту бехабарӣ.
Модар ҳаме бо тақдиру амри Худо,
Саргаштаву ҳайрон шудааст аз ту ҷудо.
Эй ғунчаи дар хазон бишкуфтаи ман,
То фасли баҳор туро нигаҳбон Худо!
Марти соли 1996