ХУРДТАРИН НУҚТАИ ЗАМИН

Муаллими ҷуғрофия аз Шариф пурсид:
— Ту гӯй, ки хурдтарин нуқтаи Замин куҷост?
— Хонаи мо, — ҷавоб дод Шариф.

БИБИАМ БИСЁР ТАРСОНЧАК

— Бибиам бисёр тарсончак аст, — гуфт Азиза ба дугонааш.
— Чаро?
— Медонӣ, агар мо аз болои ягон кӯпрукча гузаштанӣ шавем, ӯ дасти маро маҳкам мегирад.

ТАҒЙИРИ ЧИСМҲО

Дар вақти имтиҳон муаллим аз шогирд пурсид:
— Дар бораи аз гармию сардӣ тағйир ёфтани ҷисмҳо чӣ медонӣ?
Шогирд каме фикр карду гуфт:
— Ҳамаи ҷисмҳо аз гармӣ васеъ ва аз сардӣ фушурда мешаванд.
— Дуруст, — гуфт муаллим, — канӣ, як мисол гӯй.
— Масалан, вақти тобистон, ки ҳаво гарм аст, рӯзҳо дароз ва дар зимистон, ки ҳаво сард мебошад, рӯзҳо кӯтоҳ мешаванд.