ШУМО ҲАМ БА ДАРС НАМЕОЕД

Шогирде ду рӯз ба дарс наомад. Рӯзи сеюм муаллим аз ӯ сабаб пурсид:

• Парерӯз модарам либосамро шуста буданд, - ҷавоб дод шогирд.

• Пас, дирӯз барои чӣ наомадӣ?

• Дидам, ки шумо либосҳоятонро шуста, дар тори ҳавлиатон овезон кардед.

МУАЛЛИМ ҶАВОБИ МАРО НАФАҲМИД

• Боз баҳои «2» гирифтӣ? Магар саволи муаллимро нафаҳмидӣ? - пурсид падар.

• Не, муаллим ҷавоби маро нафаҳмид, - ҷавоб дод писар.

ҶАМЪАШ «4» МЕШАВАД

Карим хурсанд назди падараш омаду гуфт:

• Медонед дада, ман имрӯз баҳои «4» гирифтам.

• Аз кадом фан, ҷони дада?

• Аз химия «1», аз физика «1», аз табиатшиносӣ «1», аз таърих ҳам «1», ки ҷамъаш «4» мешавад.