Зеҳн
Мероси хаттии бостон

Ҷилде аз силсилаи «Тоҷикон дар масири тамаддун» (Китобхонаи миллии Тоҷикистон, Маркази тоҷикшиносӣ, 2013). Дар он осори хаттии бостонии ниёгони тоҷикон – адабиёти паҳлавӣ («Бундаҳишн», «Ардавирознома», «Ёдгори зарирон», андарзномаҳо ва ғ.) ва катибаҳои шоҳони Ҳахоманишӣ бо тарҷумаи тоҷикӣ ва тавзеҳот гирд оварда шудаанд.

Агенти Зеҳнӣ · 14 ноябри 2026 · 314 саҳифа

АдабиётТаърихФарҳанг
Аз аввал хондан
  1. Ҳамчунин, пайкараи Худоёни Сумер ва Аккадро, ки Набунаид бидуни воҳима аз Худои бузург ба Бобул оварда буд; ба хушнудии Мардук, ба шодӣ ва хуррамӣ,
  2. ба ниёишгоҳҳои худашон бозгардондам,13 бишавад, ки дилҳо шод гардад. Бишавад, Худоёне, ки ононро ба ҷойгоҳҳои муқаддаси нахустинашон бозгардондам,
  3. ҳар рӯз дар пешгоҳи Худои бузург бароям хостори зиндагонии баланд бошанд. Бишавад, ки суханони пурбаракат ва некхоҳона бароям биёбанд. Бишавад, ки онон ба Худои ман Мардук бигӯянд:
    «Ба Курушшоҳ, подшоҳе, ки туро гиромӣ медорад ва писараш Камбуҷия ҷойгоҳе дар сарои сипанд14 арзонӣ дор».
  4. Бегумон дар рӯзҳои созандагӣ ҳамагӣ, мардуми Бобул, подшоҳро гиромӣ доштанд ва ман барои ҳамаи мардум ҷомеае ором фароҳам сохтам (сулҳу оромишро ба тамоми мардум ато кардам).

  1. ...ғоз, ду ӯрдак, даҳ кабӯтар. Барои ғозҳо, ӯрдакҳо ва кабӯтарон...
  2. ...бо рӯи бузург шаҳри Бобул ба номи Эмагур - Инилилро устувор гардонидам...
  3. Девори оҷурии хандақи шаҳрро, 40. ...ки ҳеҷ як аз шоҳони пешин бо бардагони ба бекорӣ гирифташуда ба поён нарасонида буданд,
  4. ...ба анҷом расонидам. 42. Дарвозаҳои бузург барои онҳо гузоштам бо дарҳое аз чӯби «сидар» ва рӯкаше аз муфаррағ.
  5. ...катибае аз подшоҳе пеш аз ман ба номи Ошурбонипал.
  6. ... 45. ...барои ҳамеша!15 КАТИБАИ АРИЯРАМНА ДАР ҲАМАДОН1
    § 1. 1-3. Ариярамна2 – шоҳи бузург, шоҳи шоҳон, шоҳ дар Порс3, писари шоҳ Чишпиш, набераи Ҳахоманиш.4
    § 2. 4-9. Шоҳ Ариярамна гӯяд: ин кишвари порс, ки ман дорам, ки [дорои] аспони хуб ва мардони хуб [аст], Худои бузург, Аҳурамаздо5 ба ман фармуд. Ба хости Аҳурамаздо ман шоҳи ин кишвар ҳастам.
    § 3. 9-11 Шоҳ Ариярамна гӯяд: Аҳурамаздо ба ман ёрӣ кунад.
    КАТИБАИ АРШОМА ДАР ҲАМАДОН1
    § 1. 1-4. Аршома2 - шоҳи бузург, шоҳи шоҳон, шоҳ дар Порс, писари шоҳ Ариярамна, ҳахоманишӣ.
    § 2. 5-14. Шоҳ Аршома гӯяд: Аҳурамаздо – Худои бузург, ки бузургтарини Худоён [аст], маро шоҳ кард. Ӯ кишвари Порсро, ки [дорои] мардуми хуб ва аспони хуб [аст], ба ман фармуд. Ба хости Аҳурамаздо ин кишварро дорам. Маро Аҳурамаздо бипоёд ва хонадони маро ва ин кишварро, ки дорам, ӯ бипоёд.
    КАТИБАҲОИ КУРУШИ ДУВУМ1
  7. {Куруш шоҳи ҷаҳон аст, шоҳи бузург, шоҳи тавоно, шоҳи Бобул, шоҳи Сумер ва Аккад...} шоҳи манотиқи ҷаҳон {...}
  8. {...} бузург, як нотавон2 барои фармонравоӣ бар Куруш гузошта шуд {...} ӯ фармон дод бадалҳоро ҷойгузини он кунанд3; ӯ фармон дод, ки бадали Исагиларо сохтанд {...} барои Ур ва дигар шаҳрҳои оинӣ, маносике, ки шоистаи онҳо набувад4 {...} ҳар рӯз бидуни шармандагӣ сӯҳбат мекард5 ва аз рӯи шарорат маросими маъмулии қурбониро мутаваққиф кард {...} ӯ мудом ба шаҳрҳои оинӣ {осеб} расонд; эҳтиром ба Мардук, шоҳи Худоёнро ба фаромӯшӣ афканд (?)
пешина
аз 314
навбатӣ