Хулоса, сохти психологии шахс аз маҷмӯи хусусиятҳои психикии аҳамияти ҷамъиятӣ дошта ва ҳаракату амалҳои индивид таркиб ёфтааст, ки дар ҷараёни онтогенез ба вуҷуд омадаанд ва рафтору фаъолияти ӯро муайян мекунанд.
ПСИХОЛОГИЯИ СИННУ СОЛ
Предмет, вазифа ва методҳои психологияи синну сол
Мо ҳангоми дида баромадани масъалаҳои психологияи синну сол ба тадқиқотҳои илмии Л.С. Виготский, Д.Б. Эльконин, Л.И. Божович, В.А. Крутетский, М.И. Лисина, С.Л. Рубинштейн ва дигар психологҳо такя намуда, назарияҳои илмии онҳоро чи дар ҳалли проблемаҳои умумии тараққиёт ва чи дар тавсифи ин ё он давраи синну сол истифода бурдем.