Нияти инҳо моро ба гирдоби бало патофтан аст»,

• аз дил гузаронд ў ва гуфт:
  – Фидоиёни роҳи ислом дар дигар ақидаанд.
  – Оё нашунидед, ки гуфтаанд: «Ислом ба зоти худ надорад айбе, Ҳар айб, ки ҳаст дар мусулмонии мост».
  – Шояд ҷиҳодро ҳам инкор карданиед?
  – Интиқоли маводи мухаддир ба ҷиҳод чӣ дахл дорад?
  – Хато мекунед, душманро бо ҳар роҳ саркӯб кардан хуб аст.
  – Душман гуфта, киҳоро дар назар доред?
  – Онҳоеро, ки ғайри динанд.
  – Аз худ фаришта натарошед. Фаромўш накунед, ки давлат ба муқобили ҳама гуна зуҳуроти экстремистӣ мубориза мебарад. Магар ҳамин аст тавбаи шумо назди Офаридгор?
  – Маро ба гуфтугўи ошкоро даъват намудед ва банда нуқтаи назари хешро баён доштам.
  – Хуб мешуд, ки аз чунин нуқтаи назар даст мекашидед.
  – Ба фоидаи кӣ?
  – Зарари ҳама гуна зуҳуроти экстремистӣ ба худи миллат мерасад.
  – Нафаҳмидам, ки кас ба ҳимояи динаш бархезаду ўро экстремист эълон намоянд.
  -Одамон аз дӯстӣ ёбанд бахт.
  Душманӣ орад ба мардум рўзи сахт.
  – Акнун фаҳмидам.
  – Ба ақидаи мо шумо дар куштори Солеҳ Ҷалил вазифаи иҷрочиро ба душ доштед?
  – Гуфтаниед, ки ўро ман парондам?
  – Мо чунин мепиндорем.
  – Масъулияти зиёдеро ба души хеш нагиред. Ман то кунун қасди ҷони мурғ накардаам, пас чӣ тавр метавонам қасди ҷони одам намоям.
  – Шояд бо Солеҳ Ҷалил ҳам шинос набудед?
  – Худаш ҳам ҳамин хел аст.
  –Лайлӣ Анваровна бошад, дар дигар ақида аст?