Асарҳои мунтахаб ҷилди 9
- Чойи кабуд биёред.
- Чойи кабуд?
- Ҳа.
- Хуб шудааст, - гўён пешхизмат аз пайи иҷрои супориш рафт.
- Эй Сайфиддин, Сайфиддин, дар тарабхона кабоб асту шароб, баҳри чой нўшидан бошад чойхона гуфтанӣ ҷой ҳаст,
- нимҷиддию нимшўхӣ гуфт Дороб Қамар.
- Шумо борҳо таъкид намудед, ки мастӣ ба пастӣ мебарад ва дар ҳоле ки мо қарор дорем, нўшидани шароб маъние надорад.
- Ана, барои ҳамин банда аз шумо боварӣ дорам.
- Моро чӣ супорише дар пеш аст?
- Аввал таом…
Пешхизмат болои лаълии ялаққосие, кабоб, нон ва чой оварда, пеши ў гузошта, баҳраш иштиҳои том таманно намуд.
Дар ҳоле ки Сайф Насим тановул мекард, командир мақсаду мароми хешро то андозае баҳраш рӯшан намуд. - Тугмачаи сеҳрангез (жучок)-ро аз куҷо гирем?
Дороб Қамар коғазпечи хурдакакеро аз ҷайбаш бароварда, ба дасти шогирдаш дода гуфт:
-Аминам, ки тарзи истифодабариашро аз ёд набаровардед? - Не, албатта, вале банда донистан мехоҳам, ки овози ба тугмача воридшударо мо бо кадом асбоб гўш мекунем?
- Мо онро гўш намекунем.
- Пас чӣ лозим истифодаи ин? - коғазпечи дар дасташ бударо нишон дода гуфт Сайф Насим.
- Баҳри ба иштибоҳ андохтани милиса.
- Чӣ тавр?
Дороб Қамар нақшаи амалиёти дар пешистодаро, ки кайҳо дар майнааш тарҳрезӣ намуда буд, ба самъи шогирди манқурташ, ки дар калааш гўё ба ҷойи майна аррамайда дошт, расонд. - Пас ягон хатаре баҳри мо нест?
- Агар ақлро кор фармоед…
- Ман ба шумо қоил шеф. Аслан калаи шумо кала не, балки…
Барномасозӣ
Олами Афсонаҳо
Ахбор