Аз авзояш пай бурд, ки командир муддати зиёдест, ки роҳи вайро мепояд.
Бо ишораи командир ў ба курсие пушт ба тарафи дар нишаст.

• Хуш, чӣ мефармоянд? - пурсид командир.
• Ҳар он чи ки ба шумо маъқул бошад.
• Ман аллакай тановул намудам ва қариб буд, ки баромада равам.
• Бубахшед, ман бошам ҳамагӣ ним соат пеш мактуби шуморо гирифтам.
• Иҷрои амалиётро тағйир доданамон лозим.
• Чӣ хел?
  -Ба воситаи дигар сарчашмаҳо маълумоти саҳеҳ гирифтам, ки он дипломати гумшуда ҳангоми ба ҷойи ҳодиса рафтани кормандони милиса дар мошини Сайёд Ватан набудааст.
• Далел бо эътимод аст?
• Бешубҳа.
• Аз иҷрои амалиёт даст мекашем?
• Ҳаргиз.
• Шуморо нафаҳмидам, шеф.
• Ман метарсам.
• Хандаамро набиёред, шеф.
• Бемуҳобот мегўям.
• Шояд аз баҳри он пулҳо гузарем.
• Шумо ҳам тарсидед?
• Ман андешаи шуморо дорам.
• Беҳтар мешуд, ки андешаи он пулҳои гумшударо мекардед!
• Бе амри шумо мо чӣ кор карданамонро намедонем.
• Хоксорӣ мекунед, - Дороб Қамар боз чизе гуфтан мехост, вале омадани пешхизматро дида, муҳри хомўшӣ ба лаб зад.
• Хуш, чӣ мефармоянд? - бо як табассуми зебое пурсид пешхизмат.
• Ба ман кабоб.
• Бе шароб? - хандида гуфт духтар.