-Ҳар қадар расмро тезтар биёред, ҳамон қадар банда тезтар аз пайи ин кор хоҳам шуд.

• Сипосгузорам, - гуфт Малика ва ваъда дод, ки субҳи фардо расмашро хоҳад овард.
• Беҳтар мебуд, ки худи ҳамин бегоҳ ўро ба дасти шогирди банда медодед.
• Ба дасти ҳамоне ки маро ба ин ҷо фиристод .
• Ҳа, дарвоқеъ, нагуфтед, ки ў чаро наомад?
• Инро беҳтар мешуд, ки аз худаш мепурсидед?
• Албатта, мепурсем.
• Шояд ба ман акнун рухсати рафтан диҳед?
• Рафту агар лозим шуда монед, боз шуморо ҷеғ мезанем,- гуфт муфаттиш ва ба Малика рухсати рафтан дод.
• Чӣ даҳшате, - гуфт. Нӯшин баъди рафтани Малика.
• Зиндагӣ оинаро муҳтоҷи хокситар кунад.
• Дарду доғи дили Маликаро ҳисобаш нест. Ҳа, воқеъан, вақте ки шумо моро танҳо гузоштед, ў чун зан ба як саволи ман посух гуфт.
• Шуниданаш мумкин.
• Чаро не?
• Хуш бошад.
  -Малика бар он ақида аст, ки Сафо мехост ҳамсари қонуниашро аз мерос маҳрум созад ё амсоли ин.
• Аздусар ҳангоми ҷудошавӣ ҳам нисфи молу мулки ў ба таври қонунӣ ба номи ҳамсараш мегузашт.
• Ман ҳамин чизро ба Малика фаҳмондам, вале ў гуфт, ки Сафоро чӣ нақшае дар сар буд.
• Оё напурсидед, ки шояд ҳамон нақша ўро ба ҳалокат нарсонида бошад?
• Пурсидам, вале Малика посухи дурусте гуфта натавонист.
• Яъне Малика аз хиёнати Бонози Даврон хабар надорад.
• Ба фикрам, надорад.
• Мо пурсидани як чизро форомуш намудем.
• Чиро?
• Напурсидем, ки оё Сафо аз Бишкек барои вай чӣ туҳфае овард?
• Шояд ягон тухфа овардагист, магар ин ба рафти тафтишот чӣ алоқае дорад ё шумо аз Малика гумонбаред?
• Ман акнун мефаҳмам, ки ботини Малика чун зоҳираш зебост.