Таваҷҷуҳи маро яке аз он бачаҳо дида, ба суям омада боодобона салом дода, худашро чун калонсолон муаррифӣ намуд: – Абдумаҷид.

• Сорбони Ҳомид, - худро ба дӯсти ҷавонам шиносонидам ман.
• Шумо чикора?
• Милиса.
• Дадои ман ҳам милиса.
• Наход.
• Бе шӯхӣ.
• Гуш кун, Абдумаҷид
• Чӣ буд?
• Сокинони ошёнаи чоруми ҳамин биноро (ман бо ангуштам ба тарафи ҳамон биное, ки лаҳзае пеш баромада будам, ишора намудам) мешиносед?
• Мешиносам, - боз ҳамон хел калонгарона гуфт мусоҳиби хурдсолам.
• Оё гуфта наметавонед, ки Нигораи Собирро аз куҷо ёбам.
• Дар ин бино ду Нигора ҳаст, кадомашро …
• Дар ошёнаи чорум зиндагӣ мекунад.
• Дугонаи холаи Бонозро гўед.
• Ҳа, худи худаш.
• Вафтем,-гуфт Абдумаҷид.
• Ба куҷо?
• Ба хонаи мо.
• О ба ман Нигораи Собир лозим.
• Он кас дар хонаи мо, ҳамроҳи очаам.
• Худат дар куҷо зиндагӣ мекунӣ?
• Дар ошёнаи дуюм. Вафтем, ман ўро ба шумо нишон медиҳам гўён Абдумаҷид маро ба ҷону ҳолам намонда, ба хонаашон бурданӣ шуд.
• Гӯш кун, Абдумаҷид, ба фикрам, худат бачаи калон шудаӣ.
• Дадом гуфт, ки соли оянда ман ба мактаб меравам.
• Ана дидед. Оё беҳтар нест, ки холаи Нигораатро ба ин ҷо ҷеғ занед.
• Майлаш, ман вафтам, - гўён дӯсти ҷавони ман ба сўи бино давид ва баъди ду-се дақиқа ҳамроҳи ҷавонзане, ки ўро аз аврупоён фарқ намудан душвор буд, баргашта бандаро ба ҳамроҳи наваш чунин муаррифӣ кард: - Амаки милиса.