яккасардорӣ қабул шудааст ва хулосае, ки Вазир тасдиқ кардааст, беэътибор гардонидаанд.

Кор ба дараҷае расид, ки гурӯҳи кории навбатӣ таҳти сарварии сарпарасти соҳаи нақлиёт, муовини Вазир Худоёров Ҳ.З. санаи 19.09.2009 ба ш. Исфара рафт. Ин шашумин ҷаласа вобаста ба ин масъала бо иштироки намояндаҳои ҳукумати ш. Исфара, КВД "Экспедисияи нақлиётии вилояти Суғд", шӯъбаи нақлиёти ҳукумати вилояти Суғд, ҶДММ-ҳои "МНА-35", "Арсенал", "Танзим", "Наҷот" ва Хадамоти назорат ва танзим ба ҳисоб мерафт.

Мувофиқи маълумоти пешниҳоднамудаи комиссияи мазкур шумораи автобусҳои ҶДММ "МНА-35" 40 адад нишон дода шудааст. (Ҳол он ки вақти санҷиши гурӯҳи корӣ аз 04.04.2009 баргузоршуда шумораи автобусҳояш 65 адад нишон дода шуда буд).

Вақти санҷиши назоратии гурӯҳи кории Вазорат санаи 25.05.2009 дар ҷояш бо иштироки шахсони масъули Вазорат Зеваршоев З. ва Машарипов Н.А., директори ҶДММ "МНА-35" Сайфиддинов С. ва намояндаҳои шӯъбаи нақлиёти ҳукумати вилояти Суғд шумораи автобусҳои ҶДММ "МНА-35" аз ҷиҳати коршоямӣ муайян гардид, ки ин ҷамъият ҳамагӣ дорои 6 адад автобусҳои коршоям будааст.

Тибқи маълумоти пешниҳодшуда аз тарафи сардори шӯъбаи бехатарии Вазорати нақлиёт ва коммуникатсияи Ҷумҳурии Тоҷикистон Саидов Қурбон дар ҶДММ "МНА-35" аз шумораи умумии 130 адад нақлиёти мусофиркаш 37 фоизашро нақлиётҳои синну соли миёнаи 18,7=12,2 сол дошта ташкил медиҳад.

Нақлиёти мусофирбари ҶДММ "Наҷот" синну соли миёна 10,4=7,3 сол 68 фоизро ташкил медиҳад. Аксари воситаҳои нақлиётии ҶДММ "МНА-35" ба талаботи қоидаҳои бехатарии ҳамлу нақли мусофирон бо нақлиёти истифодаи умум дар Ҷумҳурии Тоҷикистон ҷавобгӯ нестанд, яъне мӯҳлати истифодаи автобусҳо 15 сол тасдиқ шуда, автобусҳои ҶДММ "МНА-35" 25-28 сол доранд. Таҳлили иқтидорнокии (потенсиалӣ) ҶДММ "Наҷот" ва ҶДММ "МНА-35"-и ш. Исфара (замимаи 6).